Tag-iya sang beauty parlor, dakup sa buy bust operation
Pavia, Iloilo — Nagahilibiun si Lister Guavino, 41-anyos nga may beauty parlor sa Purok 2, Pavia matapos nadakpan sa buy bust operation subong nga gab-i.
Nakuha sa iya ang walo ka sachets sang suspected shabu.
Suno kay Guavino, ginadul-ong lang sa iya ang items halin sa Jaro. Pero wala sini ginsugid kon sin-o ang iya supplier.
Ang operasyon, ginhimo sang Pavia police sa pagpamuno ni PCI Fernando Limbungan kag sang Provincial Drug Enforcement Unit.
Newly-identified drug personality si Guavino suno kay Limbungan. (JoMaque)