Iloilo City — Naglunsar ang Department of Interior and Local Government sang nationwide campaign sa “Matino, Mahusay at Maasahang Barangay at SK officials” para sa natalana nga local elections sa Mayo 14 subong nga tuig.

Katuyuan sini suno kay DILG Provincial Director Teodora Sumagaysay nga engganyuhon ang publiko nga botohon ang maayo kag nagakaangay nga mga opisyal sa barangay kag Sangguniang Kabataan.

May tatlo suno sa iya ka elemento nga ginaduso ang DILG sa pagpili sang nagakadapat nga barangay kag SK officials nga amu ang “Matino, Mahusay kag Maasahan.”

Nagakahulugan ini nga indi corrupt, disiplinado, accessible, indi konektado sa illegal drugs kag gina-una ang interest sang publiko.

Dapat man pilion sang mga botante ang kandidato nga may plano para sa development kag peace and order sa barangay, makabig nga modelo sang iya mga pumuluyo sa tanan nga aspeto, law abiding citizen, wala sang pinili-an kag nagapanguna sa pagbulig sa tion sang kalamidad. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply