Mayor Joe Espinosa, luyag mapalapit sa pumuluyo gani temporaryo nga nag-opisina sa ABC-Jaro

Iloilo City–Luyag ni Mayor Joe Espinosa nga mapalapit sa mga pumuluyo gani gingamit ang opisina sang Jaro ABC sa Jaro Plaza kaina sang aga.

Gin-anunsyar ni Espinosa nga malibot man siya sa iban nga distrito kada Martes agud gamiton temporaryo ang opisina sang mga ABC. Suno sa alkalde, maga-opisina naman siya sa ABC Molo sa masunod nga semana.

Sang damlag lang, nagsapol ang mga barangay kapitan sa Molo kag nagdihon sang resolution nga nagasuporta sa pagpadalagan ni Congressman Jerry Treñas nga mayor samtang si Mayor Joe Espinosa ang mapadalagan nga congressman. (AGB)