(UPDATE) OFW nga iloy, ginbaton ang sorry sang iya kumare sa pagtiro sang bana sini sa iya mag-amay sa Mandurriao

Iloilo City–Ginbaton sang OFW nga iloy ang sorry sang asawa sang retirado nga pulis nga nagtiro sa iya mag-amay nga ginkapatay sang iya bata sa Bolilao, Mandurriao.

Suno kay Mrs. Maria Remalyn Ariate, ginabaton niya ang sorry ni Mrs. Solidad Acopicop apang wala diri nalakip ang ginhimo sang iya bana nga si retired SPO1 Ariel Acopicop.

Nakahanda si Mrs. Ariate nga handa siya makigkita sa iya kumare agud ma-istoryahan nila ang natabu.

Gin-ako ni Mrs. Ariate nga ginaproblema sang ila pamilya ang galastuhan para sa pagpa-opera sa tiil sang iya bana nga si Jose “Joseph” Ariate nga napilasan man sa pagpangtiro. Napatay si Jorem Ariate, 21-anyos. Wala pa nadesisyunan sang pamilya kon san-o ilubong si Jorem. (AGB)