Iloilo City — Gindala sa Lapaz Police Station ang apat ka lalaki nga ginapatihan nagpanghaboy sang bato sa San Lorenzo Ruiz Parish sa Brgy. Kaingin.

Naga-istambay sa guwa sang simbahan pasado las dyes subong nga gab-i ang mga lalaki nga sanday alyas Axel, Boyboy, Toto kag Rain, lunsay hamtong ang pang-edaron kag pumuluyo sang amo nga barangay, sang hinali lang sila gindakop sang mga katapo sang Kabayan International Friendship Anti-Crime Organization, isa ka Non-Governmental Organization, kag gindala sa police station.

Ang mga lalaki ang ginatudlo nagpanghaboy sang bato sa simbahan apang ginpanginwala nila ang akusasyon.

Suno kay Vermon Dedelis sang nasambit nga NGO, masami nga nagareklamo ang pari sa amo nga simbahan nga may nagapanghaboy sang bato kag nagasinggit inaway sa guwa sang simbahan rason ginrespondehan nila.

Nag-areglohanay na ang kura paruko sang simbahan nga si Father Dennis Galon kag ang mga ginreklamo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply