Iloilo City–Nahulugan sang ginatakod nga glass panel sa SM Strata Building ang duha ka pribado nga salakyan alas-3 kaina sang hapon.

Suno sa construction worker sa Strata, nahulog ang glass panel sa nagalabay nga mga salakyan. Nabuka ang atubang nga windshield sang Toyota Vios samtang nagasgasan ang Ford Ranger. Wala sang may nasamaran sa insidente.

Temporaryo nga ginpasiraduhan sang Public Safety and Transportation Management Office ang service road sa atubang sang SM Strata kasunod sang insidente.

Suno kay PSTMO head Jeck Conlu, ginrekomendar na niya kay Mayor Joe Espinosa ang work stoppage sang Strata bangud nakita nga indi safe ang lugar apang wala pa siya sang feedback sa iya rekomendasyon.

Marso 31 sang na-utdan sang tiil sang 16-anyos nga lalaki matapos nahulugan sang lifting hook sang crane halin man sa gina-obra nga SM Strata. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply