Iloilo City–Gindugok sang mga nagahandum magkandidato sa May 14 synchronised Barangay and Sangguniang Kabataan ang City Comelec office kaina sang aga.

Wala pa man nagbukas alas-8 kaina sang aga ang opisina apang malawig na ang pila sang mga gusto mag-file sang ila certificate of candidacy sa pagkabarangay kapitan, barangay kagawad, SK chairman kag SK kagawad.

Subong ang una nga adlaw sang COC filing kadungan sang pagsugod sang election period.

May kaangtanan sini, ginpasiguro ni Atty. Renier Layson sang City Comelec nga nakaplastar na ang ila sistema agud mangin mahapos para sa mga aspirants ang pag-file sang COC. First come, first serve basis ang pag-atubang sang mga staff sa mga aspirants kag may logbook nga ginhanda para sa kada distrito.

Ginabanta ni Layson nga maga-average sa isa ka libo ang magafile sang COC kada adlaw tubtob matapos ang filing period sa Abril 20. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply