Camp Delgado, Iloilo City–Nakarecord ang Police Regional Office 6 sang una nga kaso sang Gun Ban violation sa Western Visayas sa pag-umpisa sang Gun Ban kaina sang kaagahon para sa Barangay kag Sangguniang Kabataan elections.

Suno kay Chief Inspector Joem Malong, spokesperson sang PRO 6, taga-Cadiz City, Negros Occidental ang una nga violator sang gun ban.

Nadakpan ang lalaki sa Oplan Bakal Sita sang Cadiz City police sa sulod sang videoke bar. Nagasoksok pa suno sa iya sang police athletic uniform ang lalaki kag nagapakuno-kuno nga pulis. Narecover sa lalaki ang homemade revolver kag lima ka bala.

Natalana ini pasakaan sang violation sang election gun ban kag usurpation of authority bangud sa pagsoksok sang police athletic uniform.

Samtang sa Lambunao, na-aresto ang menor-de-edad sang nabungguan sang ginasakyan sini nga motorsiklo ang checkpoint signage sang mga pulis.

Ginpahayag nga hubog ang menor-de-edad. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply