Iloilo City — Nagdepensa si Professor Lorena Chavez sa reklamo sang 19 ka Civil Engineering students sang Western Institute of Technology nga wala nakasaka sa stage sa ila graduation day sang Abril 3 bisan nga naka-toga na.

Ginpanindugan ni Chavez nga wala nakapasar sa ila removal exam ang mga estudyante bangud natukiban niya nga nagdaya sila sa pasinawan.

Marso 28 sang ginpahibalo ni Chavez ang mga estudyante nga failure sila sa Marso 20 nga final exam.

Ginsumiter niya ang grades sang Abril 2 sa department head sang Civil Engineering apang gin-ayo siya nga pakuhaon sang removal exam ang mga wala nakapasar nga estudyante.

Alas-5 sa hapon sang Abril 2 suno sa iya sang nagkuha sang removal exam ang mga estudyante kag alas-7 na sang gab-i sang gin-check niya ang mga exam papers.

Natukiban ni Chavez nga nagdaya ang mga estudyante bangud wala nagasantu sa equation ang ila sabat sa exam.

Gintumod ni Chavez nga sala ang equation sang mga estudyante pero insakto ang sabat apang mahimo nga sala gihapon kon basehan ang reviewer book nga ginkuhaan niya sang exam.

Base sa policy sang WIT, zero ukon failure ang score kon matukiban nga nagdaya sa exam.

Wala naman sang ideya si Chavez kon sin-o ang nagpasalig sa mga estudyante nga masaka sa stage.

Gin-athag ni Chavez nga ginpahibalo niya ang mga estudyante sang Abril 3 sang aga nga wala sila nakapasar sa removal exam.

Una na nga naghilibiun ang 19 ka estudyante bangud ginpahayag nga wala narelease ang resulta sang ila removal exam kag wala man nagpakita sa ila si Professor Chavez. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply