Vigan, handa na sa pagbukas sang Palarong Pambansa 2018
Vigan, Ilocos Sur — Handa na ang probinsya sang Ilocos Sur sa paghost sang 2018 Palarong Pambansa nga magabukas subong nga adlaw.
Suno kay Department of Education Secretary Leonor Briones, preparado na ang tanan para sa subong nga tuig nga Palaro.
Ginpahayag ni Briones nga nafinalize sang nagligad pa nga semana ang tanan nga requirements para sa isa ka semana nga sports event samtang sang nagligad nga bulan pa natapos ang inspections sa tanan nga playing venues kag billeting areas.
Ginabanta sa 15,000 ka delegado nga ginabug-usan sang mga atleta kag officials ang magadugok sa opening sa President Elpidio Quirino Stadium sa Vigan.
Magasugod ang parada alas-12:30 sang hapon kag magasugod ang programa ala-1:30 sa hapon.
Mangin dinapit nga bisita sa pinakadaku nga sporting event sa pungsod si Presidente Rodrigo Duterte nga magadeliver sang iya speech.
Matambung man sa event si Filipino boxing legend Manny Pacquiao, bowling icon Paeng Nepomuceno kag swimming icon Eric Buhain. (JoMaque)