Western Visayas, nagalaum nga magasaka ang ranking sa Palaro 2018 sa pag-upod sang Negros Occ. sa rehiyon
Iloilo City — Positibo ang Western Visayas nga mas mabaskug ang team sa Palarong Pambansa 2018 sa pag-upod liwat sang Negros Occidental sa rehiyon.
Suno kay Dr. Leah Belleza, information officer sang Department of Education 6, nagalaum sila nga magasaka ang ranking sang Region 6, kon indi man magkampeon, sa subong nga tuig nga Palaro.
Ginpahayag ni Belleza nga ginakabig sang iban nga rehiyon nga team to beat ang Western Visayas.
Nakahanda na suno kay Belleza ang mga delegado sang Region 6 para sa opening ceremony karon sa hapon kag sa pagsugod sang hinampang buwas tubtob sa Abril 21.
Masobra 800 ang delegado sang Western Visayas nga ginabug-usan sang 542 ka atleta upod ang mga coaches, assistant coaches, chaperon kag mga opisyal. (JoMaque)