Salesman sang sigarilyo, ginhold-up sa Sta. Barbara
Sta. Barbara, Iloilo–Ginhold-up ang salesman sang sigarilyo sa Barangay Buyo, Sta. Barbara.
Suno kay PSI Rey Pabalan, hepe sang Sta. Barbara MPS, nagalab-ot sa P40,000 ng cash ang nakuha kay Jose Joven Paro, 51 anyos sang Dulonan, Arevalo.
Sa imbestigasyon sang Sta. Barbara police, nagadeliver si Paro sang sigarilyo sang ginpalapitan sang suspek, ginatayaan sang pusil kag ginhold-up.
Ginpahayag makapila ka beses nga gina-casing sang suspek ang tagreklamo antes ginhold-up. Madasig nga nagpalagyo ang wala nakilala nga suspetsado. (AGB)