Iloilo — 124 sa 1,721 ka mga barangay sa probinsya sang Iloilo ang natalana ipaidalum sa election watchlist areas (EWAS) sang Iloilo Police Provincial Office angut sa Barangay kag Sangguniang Kabataan Elections.

Ini ang ginpahibalo ni IPPO Director Marlon Tayaba kasunod sa ginpatawag nga command conference sa iya mga chiefs of police.

Suno kay Tayaba, ang nasambit nga mga barangay ang iga-subject sa revalidation kag review sang Regional Joint Security Command Center nga pamunuan sang Comelec Regional Office antes ideklarar ukon ipaidalum sa EWAS.

Lakip sa mangin basehan sa pagdeklarar nga EWAS ang isa ka barangay amu ang mga nagligad nga election-related incidents kag presensya sang armed groups. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply