Iloilo City — Nagpa-areglo ang 80 porsyento sang malapit sa 50 ka konsumedor nga may reklamo batuk sa Panay Electric Company sa una nga adlaw sang conference sang Energy Regulatory Commission kahapon.

Duha tubtob tatlo lang ang wala nagpasugot nga masettle ang ila reklamo sa conference nga ginpatung-an sang hearing officers sang ERC.  Suno kay ERC Consumer Affairs Office OIC Greg Ofalsa, wala na-settle ang mga reklamo nahanugod sa ginpahayag tampering kag overbilling nga tuman ka daku ang balayran.

Imbestigaran sang ERC ang wala na-areglo nga mga reklamo paagi sa pagrequire sa PECO nga magsumiter sang mga kinahanglan nga dokumento.

Magapadayon subong nga adlaw ang conference sa Midtown Hotel. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply