Guimaras provincial government, ginatinguhaan nga makahatag sang alternatibo sa mga turista nga madisplace sa pagsirado sang Boracay

Guimaras — Ginatinguhaan sang Guimaras provincial government nga makahatag sang alternatibo sa mga turista nga madisplace sa pagsirado sang Boracay sugod Abril 26 para sa rehabilitasyon.

Suno kay Guimaras Vice Governor John Edward Gando, naka-coordinate sila sa Provincial Tourism Office agud ma-imbentaryo ang mga facilidad nga mahimo bisitahan sang mga turista. Nagdugang man sang biyahe ang mga pumpboats bangud sa amat-amat nga pagdamo sang mga nagabisita sa isla.

Isa sa mga ginatutukan subong suno kay Gando ang Manggahan Festival nga nagbukas na sang Abril 2 kag magatakup sa Mayo 22. Ginpahayag ni Gando nga may lain-lain nga mga palaguwaon sa lima ka banwa sa probinsya kag sugod Mayo 11, may mga aktibidad man sa Provincial Capitol. (JoMaque)