LGU Carles, nagabulig agud masiguro nga nagasunod sa environmental laws ang Gigantes kag Sicogon Islands

Carles, Iloilo–Nagabulig ang local government unit sang Carles agud masiguro nga nagasunod sa environmental laws ang mga homestay sa Isla Gigantes kag ang daku nga resort sa Sicogon.

Suno kay Carles Mayor Siegfred Betita, mga balay-balay pa lang ang mateniran sa Isla Gigantes. Ginapa-check man sini ang mga homestay sa taga-Bureau of Fire Protection kag Engineering. May information campaign man sa mga pumuluyo angut sa pagsegregate sang basura kag iban pa nga mga paagi agud matipigan ang palibot.

Ginpasalig ni Betita nga istriktuhan man nila ang pagpatuman sang environmental laws kon may dalagku nga buildings nga ipatindog sa isla.

May mga turista na nga halin sa Boracay nga nagbisita sa duha ka sikat nga isla. (AGB)