Ilonggo police official, ginhingadlan nga bag-o nga NCRPO Director

Manila–Ginhingadlan sang bag-o nga PNP chief, Oscar Albayalde ang Ilonggo nga si incumbent PNP Director for Operations Camilo Pancratius Cascolan nga magabulos sa iya bilang bag-o nga Director sang National Capital Region Police Office ukon NCRPO.

Si Cascolan, 54 anyos, ang ‘mistah’ ni Albayalde kag sang nagretiro na nga si PNP Director General Ronald Dela Rosa sa PMA Class of 1986. 26 ka tuig na siya nga nagaserbe sa PNP kag nakaserbe man sadtu sa Philippine Constabulary.

Antes gin-appoint ni Dela Rosa nga PNP Director for Operations sang July 2016, si Cascolan ang Deputy Regional Director for Administration sa Police Regional Office 6.

Ginhiwat kaina sang hapon ang change of command sa Camp Crame para sa bag-o nga pamunuan sa PNP. (AGB)