Iloilo City — Wala sang nalab-utan ang reklamo sang konsumedor sang Panay Electric Company nga si alyas Neri bangud nagpamati lang ang taga-Energy Regulatory Commission sa conference sang Abril 18.

Suno kay Neri, mga 2015 sang may nag-abot sa iya nga bill nga Php 63,000. Nakibot ini bangud masobra lang Php 200 ang iya ginabayaran kada bulan apang ginpapirma siya sang promissory note kag ginpabayad sang Php 1,540 pesos kada bulan.

Sugod 2016 suno kay Neri, naga-average na sa Php 2,000 tubtob Php 4,00 ang iya balayran sa PECO apang wala na siya nagreklamo.

Apang nakibot siya sang Oktubre 2017 sang nagpauli kag nakita nga nadula ang iya kuntador.Ginpa-blotter ni Neri ang natabu sa police station kag natukiban nga ginkuha sang PECO ang kuntador. Nagreklamo man ini sa PECO apang ginhambalan siya nga magbayad sang Php 28,000 agud mabalik ang kuntador.

Wala man nagpirma si Neri sa minutes sang ERC hearing officer bangud indi man matuod suno sa iya nga naghimo sang spot test ang PECO. Ginkwestyun pa ni Neri nga ginbutang sang hearing officer nga case settled bisan wala siya nagpa-areglo.

(AT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply