Magpamilya nga naga-obra sa kampo sang tubo, naigo sang kilat sa Sipalay, Negros Occidental
Negros Occidental — Anum patay nga ginalakipan sang lima ka kabataan samtang pilason ang 13 ka iban pa nga kabataan matapos naigo sang kilat sa Sitio Baras, Barangay Manlucahoc, Sipalay City, Negros Occidental kahapon.
Nasunog gid ang lawas sang mga napatay nga sanday Charline Seminion, 12 anyos; Rose Ann Seminion, 4; Mary Ann Seminion, 10; Arvin Seminion, 10; Mariel Montesino, 12; kag Mary Tihok, 35 lunsay pumuluyo sang Brgy. Manlocahoc.
Gindala naman sa Merciditas Montilla District Hospital sa Sipalay City sanday
- Erick Mark Seminion, 12
2. Romila Seminion, 13
3. Aira Seminion, 2
4. Alvin Roy Seminion
5. George Seminion
6. Lolina Seminion
7. Wilma Fe Seminion, 9
8. Roy Balansak, 12
9. Alma Seminion
10. Ronaly Seminion
11. Nelson Sipaway
12. Ryan Seminion
13. Nia Seminon
Suno kay Chief Inspector Nazer Canja, hepe sang Sipalay City Police Station, nagatrabaho sa tubuhan ang mga biktima upod ang ila kabataan sang hinali lang nag-ulan. Nagpasilong ang mga ini sa idalum sang truck sang gulpi lang nga nagpangilat kag naigo sila. (JoMaque)