PA Raul Banias, nanginwala nga wala pa nahatagan sang financial assistance ang mga atleta sang Iloilo sa Palarong Pambansa 2018

Provincial Capitol, Iloilo City–Indi matuod nga wala pa nahatag sang provincial government ang financial assistance para sa mga atleta sang Iloilo sa Palarong Pambansa 2018 nga ginahiwat subong sa Vigan, Ilocos Sur.

Suno kay Provincial Administrator Raul Banias, narelease sang provincial government ang tseke nga nagabalor sang 7.8 million pesos sang Abril 13. Yara na suno kay Banias sa DepEd Division of Iloilo ang control sa paghatag sang allowance sang mga atleta.

Nagpa-athag si Banias kasunod sang naguwa nga report nga wala pa nabaton sang mga atleta ang ila allowance bisan nagapadayon na ang hinampang. (AGB)