Iloilo City — May problema ang Panay Electric Company sa management kag serbisyo.

Ini ang overall assessment ni Atty. Gregorio Ofalsa, OIC Director for Consumer Affairs Office sang Enery Regulatory Commission sa duha ka adlaw nga conference sang ERC sa mga reklamo batuk sa PECO.

Suno kay Ofalsa, may mga nakita na siya nga lapses sa PECO kag ginakabig niya ini nga alarming.

Pila sa gintumod ni Ofalsa ang problema sa relasyon sang mga konsumidor kag sa mga personnel sang PECO sa diin madamu suno sa iya ang nagareklamo sa pagka-arogante sang mga personnel.

May problema man sa mga polisa sang PECO bangud ginapuwersa nga magpirma sa promissory note ang mga konsumidor kag kon indi magpasugot, gina-utdan sila sang koryente. Ginpahayag ni Ofalsa nga violation ini sa Magna Carta for Residential Electricity Consumers.

Mahimo pa sang report kag recommendation ang ERC sa natabo nga conference agud mahibaluan kon ano ang masunod nila nga tikang. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply