IPPO Headquarters, Sta. Barbara, Iloilo–88 ka mga barangay sa probinsiya ang nalakip sa irekomendar nga Election Watch List Areas ukon EWAs sang Iloilo Police Provincial Office kag Armed Forces of the Philippines.

Sa 88, walo ka barangay ang sa Category 1 ukon ang mga barangay nga may election-related incidents kag may intense political rivalry sa nakaligad nga tatlo ka election periods.

77 naman ang nalakip sa Category 2 ukon mga areas nga apektado sang insurgency; 3 naman ka areas ang sa Category 3 ukon mga areas nga may record sang election related incidents, intense political rivalry kag apektado sang insurgency.

Suno kay IPPO Director PSSUPT Marlon Tayaba, Calinog kag Lambunao ang banwa nga may pinakamadamo nga areas nga ginpaidalum sa EWAs.

Ang amo nga lista ang natalana isumiter sang IPPO sa Provincial COMELEC Office kag istoryahan sa Provincial Joint Security Control Center. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply