Iloilo City — Irekomendar sang City Engineer’s Office ang pagbawi sang work stoppage order sa interior works sang SM Strata kasunod sang inspection sa building kahapon.

Suno kay Engr. Jose Cloyd Grecia sang Office of the Building Official, indi niya pag-ilakip sa rekomendasyon nga paglift sang stoppage order ang pag-install sang glass panel.

Sa baylo, ginhambalan ni Grecia sa SM management nga magrequest sa City Council sang temporary closure sa service road sa kilid sang building kon magtakud sang glass panel.

Ginsuhestyun ni Grecia ang pagtakud sang glass panel halin alas-11 sa gab-i tubtob alas-6 sa aga. Ginpahayag nga 44 ka set na lang ang itakud nga glass panel ukon tatlo ka adlaw nga pagtrabaho.

Sang Abril 17, nag-isyu ang City Engineer’s Office sang work stoppage order sa contractor sang SM Strata bangud sang mga insidente nga nagdala sang kahalitan sa tawo kag mga propedad.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply