Boracay Island, Aklan–Dayon ang pagsirado sang Boracay sa mga turista sugod buwas para sa anum ka bulan nga rehabilitasyon.

Pahayag ini ni DILG Assistant Secretary Epimaco Densing III sa pihak sang ginfile nga petition for prohibition and mandamus sa Korte Suprema kaina sang hapon. Ginfile sang National Union of People’s Lawyers ang petition sang driver kag sandcastle maker nga nagrason nga madulaan sila sang palangabuhian bangud sa closure sang isla.

Samtang ginpanginwala ni Densing nga may mga pamahug sang kinagamo nga matabu kon siraduhan na ang Boracay. Suno kay Densing, simulation exercise lang ang ginhimo sang Boracay Inter-Agency Task Force nga nagalakip sang scenario sa hostage crisis kag protest rally.

Ginconfirmar naman ni Densing nga ginapreparar man nila ang pagfile sang kaso administratibo kag posible criminal sa mga incumbent government officials nga may salabton sa paglala sang sitwasyon sa Boracay. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply