Pamilya sang walo ka tuig nga bata nga babaye nga nasapwan patay sa katubuhan sa Passi City, desidido nga magpasaka kaso sa suspek nga nadakpan

Passi City, Iloilo–Desidido ang pamilya sang walo ka tuig nga bata nga babaye nga pasakaan sang kaso ang suspek nga naglabu patay, naglugos kag nagbilin sa iya sa tunga sang katubuhan sa Barangay Sarapan, Passi City.

Gintudlo ni alyas Melot, tiya ni alyas Nene, ang iya bayaw nga si Harley Cordada nga amu ang ginapatihan naghimulos kag nagpatay sa bata bangud sang dugo sa iya bayo, kamot kag tiil. Ang bayaw niya man ang ulihi nga gin-updan sang iya hinablos antes ini nadula.

Suno kay Melot, ginhagad sang suspek ang iya duha ka bata kag hinablos nga matuba sang saging kag gin-intu nga hatagan sang kuwarta. Nag-upod ang mga bata apang nagpauli sa ila balay ang iya bata samtang nabilin si nene sa suspek tubtub nga nasapwan ang iya bangkay kagab-i.

Nagapati ang ugangan ni Melot nga si Cordada ang nagpatay sa iya hinablos bangud may batasan ini nga kon mahubog, nagapanghana nga manglabu sang binangon.

Hubog suno sa iya ang iya bayaw sang natabu ang krimen.

Antes si Nene, may duha pa ka insidente sang tuyo nga pag-rape sa menor-de-edad ang suspek apang nakapalagyo ang mga biktima. Ginpahayag nga nakaagi man preso ang suspek kag may pending nga kaso nga rape. (AGB)