Suspek sa paglabu kag ginpahayag paghimulos sa walo ka tuig nga bata nga babaye sa Passi City, natalana pasakaan sang kaso

Passi City — Hustisya ang ginapangayo sang pamilya sang walo ka tuig nga bata nga babaye nga ginapatihan ginhimuslan kag nasapwan ang bangkay sa katubuhan sa Barangay Sarapan, Passi City sang Lunes sang gab-i.

Suno kay Wilfredo Nepomuceno sang Dingle kag amay ni Nene, kon siya ang pasugtan, bitay ang dapat nga silut sa suspek nga si Harlie Cordada, 39-anyos sang Barangay Sarapan, bangud sa makasiligni nga ginhimo sa iya bata.  Tata sang labu ang lawas ni Nene kag wala sang underwear sang nasapwan nga natabunan sang mga dahon sa tunga sang katubuhan. Nagpamiesta lang sa iya mga tiya si Nene suno sa amay.

Preso si Cordada apang nanginwala sang kahilabtanan sa krimen. Ginpahayag ni Supt. Norberto Delmas, hepe sang Passi City Police Station, nga may testigo nga nagatudlo kay Cordada nga amo ang katapusan nga nakaupod ni Nene.

Ginapreparar na ang kaso nga ipasaka samtang natalana nga i-autopsy ang bangkay ni Nene agud mahibaluan kon ginhimuslan siya. Ginconfirmar ni Delmas nga may kaso nga frustrated homicide kag attempted rape ang suspek. (JoMaque)