8 ka tuig nga bata nga babaye nga nasapwan patay sa katubuhan sa Passi City, positibo nga gin-abusuhan sexual base sa autopsy

Iloilo City — Gintapungol, gintata labu kag positibo nga gin-abusuhan sexual ang walo ka tuig nga si alyas Nene nga nasapwan sa katubuhan sa Barangay Sarapan, Passi City sang Lunes sang gab-i, Abril 30.

Base sa pag-autopsy ni Dr. Owen Lebaquin, medico legal officer sang Police Regional Office 6, indi magnubo sa 10 ka tapungol ang nag-igo sa ulo ni Nene kag indi man magnubo sa 10 ang iya pilas sang pagkalabu halin ulo tubtob sa tiil. Pinaka-patal suno kay Lebaquin ang pilas sa tangkugo ni Nene.

Ginconfirmar ni Lebaquin nga gin-abusuhan sexual ang bata nga may mga defense wounds sa kamot kag patimaan nga nagbato pa siya sa suspek.

Preso gihapon sa Passi City Police Station si Harlie Cordada, 39 anyos, nga todo panginwala sang kahilabtanan sa krimen. (JoMaque)