Campaign period angut sa Barangay & SK elections, masugod na buwas sa kaagahon
Masugod na ang campaign period para May 14 Barangay kag Sangguniang Kabataan elections alas-12:01 buwas sa kaagahon.
May kaangtanan sini, ginadumilian ang donasyon ukon regalo nga kuwarta ukon in kind sa mga kandidato; pagkakas, paguba ukon pagpugong sa distribution sang mga lawful election propaganda; pag-appoint ukon pagamit sang special policemen, special/confidential agents; pagamit sang pulis ukon provincial guards nga bodyguard ukon security guards sang public officials ukon kandidato kag pagamit sang armored land, water ukon air craft. Magatapos ang campaign period sa Mayo 12, alas-11:59 sa gab-i.
Una na nga ginpanugyanan ni Governor Arthur Defensor ang mga botante kag kandidato nga indi pagpanginmatyan ang eleksyon sa barangay. agapati naman ang gobernador nga mangin malinong ang eleksyon sa probinsya. (AGB)