Municipality of Maasin — Ginpasakaan ni Maasin Mayor Mariano Malones sang kaso sa Ombudsman ang iya vice mayor nga si Francis Amboy.

May kaangtanan ini sa akusasyon nga si Amboy ang contractor sang mga naremalaso nga proyekto sa banwa.  Suno kay Malones, may affidavit ang ila municipal engineer nga nagatudlo kay Amboy nga amo ang contractor. Kalabanan sa mga proyekto suno kay Malones ang ang ginbid sang 2016 ilabe na sang nasuspender sang tatlo ka bulan ang alkalde.

Una na nga nagfile sang kaso batuk kay Amboy ang pito ka barangay kagawad sang Barangay Piandaan West bangud sa wala pa matapos nga road project nga 2016 pa ginpabid kag fully paid ang contractor nga kilala sang bise alkalde.

Ginatun-an naman sang mga abogado ni Malones ang pagfile sang separado nga kaso batuk kay Amboy sang gintuyo siya nga sarusuhon sa flag ceremony sang Abril 30. Natabu ini samtang ginabasa ni Malones ang affidavit sang municipal engineer sa atubang sang mga empleyado sang munisipyo.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply