Mga Kandidato Sa Brgy Kag SK Elections, Mahimo Na Makapangampanya Sugod Subong Nga Adlaw

Iloilo City — Nagsugod na ang campaign period para sa Barangay kag Sangguniang Kabataan elections alas-12:01 kaina sang kaagahon.

Ginpahanumdom ni Mr. Jonathan Sayno, election assistant 2 sang City Comelec, nga may mga pagsulundan nga ginpaguwa ang Commission on Elections nga dapat sundon sang mga kandidato.

Suno kay Sayno, napa-athagan naman ang mga kandidato kon ano ka daku ang ipanghatag nila nga stickers kag flyers kag iplastar nga streamers kag posters.May isa lang ka common poster area sa kada barangay nga pwede butangan sang streamers.

Tag-lima ka pesos lang ang pwede magasto sang kandidato sa kada botante kag may limit man ang donasyon.

Magatapos ang campaign period alas-11:59 sang Mayo 12 sang gab-i samtang natalana sa Mayo 14 ang piniliay.

(ATT)