Mga kandidato sa Barangay kag SK Elections, posible pa madisqualify suno sa Comelec sa pagsugod sang campaign period
Iloilo City–Posible pa nga madisqualify ang kandidato sa Mayo 14 nga Barangay kag Sangguniang Kabataan elections.
Suno ky COMELEC provincial officer Atty. Elizabeth Doronila, posible may magfile pa sang petition for disqualification sa mga kandidato samtang nagapadayon ang campaign period.
Masami nga rason sa disqualification suno kay Doronila ang isyu sa residency kag termino sang incumbent official nga nagpapili liwat sa kasubong nga posisyon.
Dugang niya, may mga SK candidates man nga nag-atras sang ila kandidatura matapos na-athagan sa SK Reform Act.
Sandig sa layi, indi pwede makapapili sa SK position ang mga aspirants nga may himata nga nagapungko sa posisyon tubtob sa 2nd degree of affinity ukon consanguinity. (AGB)