12-anyos nga babaye, nadaplisan sang bala sa engkwentro sa Miag-ao
Miag-ao, Iloilo–Nagpa-blotter sa Miagao Police Station ang mag-iloy nga alyas Rona, 54 anyos, kag bata sini nga si alyas Luz, 12 anyos, sang Sitio Anoy, Brgy. Cabalaunan matapos nadaplisan sang bala sa alatrasan ang bata.
Kasunod ini sang engkuwentro sa tunga sang mga ginapatihan miembro sang New People’s Army kag 61st Infantry Battalion sa nasambit nga lugar alas 5:49 kahapon sang kaagahon.
Suno kay Chief Insp. Jhonny Tumambing, hepe sang Miagao Police Station, yara sa sulod sang ila balay ang mag-iloy sang nagluntad ang engkuwentro.
Gindala naman sa ospital si Luz kag nahatagan sang first aid. (AGB)