2 ka unidentified explosive device, nakit-an sa Parara Sur, Tigbauan

Tigbauan, Iloilo — Duha ka unidentified explosive device ang nasapwan sa Barangay Parara Sur, Tigbauan.

Una nga nakita ni Jeff Anthony Residoro, 24 anyos sang Barangay 9, Tigbauan, ang ginapatihan granada sang Mayo 1 samtang nagapanguna ini sang sisi.

Kahapon sang aga, nakita naman ni Residoro ang unidentifed explosive sa idalum sang taytay sa pareho nga area nga nasapwan niya ang una nga explosive device.

Suno kay SPO2 Saldy Tiwana, imbestigador sang Tigbauan Police Station, gina-imbestigaran na sang Explosive and Ordnance Division sang Police Regional Office 6 kon ano nga mga explosives ang nakita.

Posible suno kay Tiwana nga ginhaboy lang sa area ang mga explosive devices bangud sang madamo nga mga checkpoints sang kapulisan. (JoMaque)