Magulang ginbuno sang iya manghod, patay

Janiuay, Iloilo — Patay ang 49 anyos nga lalaki matapos ginbuno sang iya 36 anyos nga manghod pagkatapos nila inom-inom upod ang duha ka hinablos sang Sabado.

Suno kay PO3 John Robles, imbestigador snag Janiuay Police Station, gindala pa sa Western Visayas Medical Center ang biktima nga si alyas Jeff apang napatay bangud sang pilas sa tiyan.

Nagsurrender naman ang suspect nga si alyas Al. Suno kay Al, nakibot siya sang gulpi lang siya ginsumbag sang iya magulang sa likod kag ginpahog pa nga sunugon ang iya balay.

Nagpusisay pa ang suspect kag biktima tubtub nga nabun-an ni Al si Jeff.

Naghinulsol naman ang suspect sa iya ginhimo kag ginhambal nga indi niya hungod nga patyon ang iya utod. (JoMaque)