Tigbauan, Iloilo— May pending warrant of arrest sa kaso nga murder with the use of unlicensed firearm ang subject sang operasyon sang Criminal Investigation and Detection Group kag Tigbauan police sa Arevalo kagab-i.

Ginkumpirmar ni Senior Inspector Hermogenes Eulatic, hepe sang Tigbauan Police Station, nga gin-issue ang warrant of arrest kay Reagan Gepulango alyas Bebot kag tatlo pa ka iban sang Setyembre 13, 2013.

Apang wala nakahibalo si Eulatic kon may kaangtanan sa pag-ambush nanday Gepulango sa tag-iya sang bulangan sa Mandurriao ang warrant of arrest. Nalakip sa warrant of arrest suno kay Eulatic sanday John Rey Tiezo; Ryan Tiezo kag Arnulfo Aliparo nga lunsay man taga-Tigbauan.

Suno kay Chief Inspector Raul Bolido, chief sang CIDG Iloilo-Guimaras, magluwas nga involved sa gun-for-hire activities ang Gepulango group, nadalahig man sila sa robbery kag carnapping activities.

Gin-engganyo ni Bolido ang publiko nga magreport sa pinakamalapit nga police station ukon CIDG regional office kon may yara sang impormasyon sa nahamtangan sang mga miembro sang Gepulango group. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply