Iloilo City— Nagabuligay ang Iloilo Police Provincial Office, Iloilo City Police Office kag PNP-CIDG agud ma-neutralize kag ma-aresto ang mga miembro sang Gepulango criminal group.
kasunod ini sang natabu nga tiruhay sa Arevalo sang Lunes sang gab-i.
Suno kay IPPO Director PSSUPT Marlon Tayaba, gina-verify man nila ang impormasyon nga konektado sa armado nga grupo ang gepulango group. Wala man niya ginadula ang posibilidad nga naga-engage sa illegal nga druga ang grupo ilabe na nga nakakadtu sila sa Manila.
Sa data sang IPPO, una nga na-engage sa robbery hold up sa mga negosyante nga nakasakay sa motorsiklo ang grupo tubtub nga nagsaylo sa gun-for-hire activities.
Ulihi na nahibaluan ni Tayaba ang impormasyon nga involved man sa carnapping ang grupo nga ginapamunuan ni Reagan Gepulango. (AGB)