Camp Delgado, Iloilo City–Gindeploy na ang masobra duha ka libo ka pulis nga maga-augment sa mga police stations sa rehiyon para sa Barangay kag Sangguniang Kabataan elections.

2,984 ka pulis ang nagtambung sa send-off ceremony sa Camp Delgado kaina sang aga. Suno kay Police Regional Office 6 Director Cesar Hawthorne Binag, tuyo sang deployment nga madugangan ang mga pulis sa mga police stations agud mabantayan sang maayo ang seguridad sa eleksyon.

152 ka pulis ang gindugang sa Aklan Police Provincial Office; 547 sa Antique; 305 sa Capiz; mil 636 sa Iloilo Police Provincial Office; 239 sa Negros Occidental kag 17 sa Guimaras.

Kadungan sa send-off ceremony, ginpanagtag man ang 30 ka bag-o nga patrol cars halin sa Camp Crame. Daku ang mabulig sang mga ini suno kay Binag sa paglibot sang mga pulis.

Samtang ginbuyagyag ni PRO 6 spokesperson PSUPT Joem Malong nga 133 ka barangay sa rehiyon ang ginpa-idalum sa election watchlist areas. (AGB)

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply