Traffic aide, nanginwala nga nagapangilkil ang iya mga kaupdanan

Iloilo City–Indi matuod nga nagapangilkil ang mga traffic aides. Ginpanindugan ini ni alyas Von nga isa sa mga traffic aides.

Suno kay Von, ginabutang-butangan lang sang mga drivers ang iya mga kaupdanan bisan wala sang kamatuoran. Nagapato-pato suno sa iya ang mga drivers agud indi pagdakpon kon may ginalapas nga traffic rules.

Ginpahayag ni Von nga nagakaigo ang ila sweldo agud buhion ang ila pamilya gai indi nila kinahanglan ang magpang-racket.

Una na nga ginbuyagyag ni Public Safety and Transportation Management Office Head Jeck Conlu nga may lima ka ginpahayag rackets ang 21 ka traffic aides nga iya ginpatawag apang lunsay sang mga ini ginpanginwala ang akusasyon. (AGB)