Barotac Viejo, Iloilo–Patay ¬†ang American national sang nabungguan sang tricycle ang ginamaneho niya nga motorsiklo sa Barangay San Juan, Barotac Viejo kaina sang aga.

Suno kay PCI Joven Arevalo sang Barotac Viejo MPS, pakadtu sa Ajuy si Lawrence Michael Mally sang Oton sang nasumalang kag nabungguan ang tricycle nga may sakay nga manugbata nga pasahero kag iya bana.

Ginpahayag nga nagdulog ang ginasundan nga Ceres bus sang tricycle gani nag-overtake ini agud makahingagaw pakadtu sa ospital apang nakabunggo sa motorsiklo sang biktima. Gindala pa sa ospital ang American national apang napatay.

Luwas naman nga nakabun-ag ang pasahero nga napilasan sa ulo.

Napilasan man sa tuo nga mata kag dughan ang bana sang babaye kag padayon nga ginabulong nga ospital. Preso sa Barotac Viejo Police Station ang tricycle driver. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply