IBP-Iloilo President, nagalibog ang ulo sa pagpabor sang Korte Suprema sa Quo Warranto petition batuk kay anay CJ Sereno

Iloilo City–Gin-ako ni Atty. Leo Sombiro, presidente sang Integrated Bar of the Pilippines ukon IBP-Iloilo chapter nga naglibog ang ila ulo sa development sa Quo Warranto petition batok kay Supreme Court Chief Justice Maria Lourdes Sereno kahapon.

Suno sa iya, kun indi lang sila magpanumdom sang malawig, makahambal siya nga “daw ka demoralizing” ang natabu bangud daw kasubong nga pag-atake ini sa judicial independence sang hudikatura.

Pero may mga abogado suno sa iya nga nanamian sang kapareho sini nga development bangud mahangkat sila nga magpaminsar sang mga stratehiya agud masolbar ang mga palamangkutanon.

Sa pihak sini suno kay Sombiro, ginarespeto nila ang nangin desisyon sang SC sa petition nga gin-file ni Solicitor General Jose Calida.

Kahapon nagpagguwa man sang statement ang IBP national nga paagi sa ila kaugalingon nga inisyatibo, ma-file sila sang motion for reconsideration agud mahatagan sang oportunidad ang SC nga lantawon liwat ang ila nangin desisyon. (AGB)