Pila ka mga traffic aides, indi mabaton nga ginahambalan sila nga nagapangilkil sa mga jeepney drivers
ILOILO CITY — Nagpahanumdom sa mga drivers ang isa sa mga traffic aides sa syudad nga indi sila paghabuyan sang kwarta sa dalanon.
Suno kay Alyas Carl, may mga amigo sila nga drivers nga nagahaboy sang kwarta sa dalan para sa mga traffic aides.
Ginpahayag niya nga ginapabay-an na lang nila ang kwarta nga ginahaboy bangud makita sila sa dalan.
Samtang nagapati naman ang isa ka traffic aide nga indi matuod nga nagapangilkil ang halos tanan sang mga traffic aides.
Suno kay Alyas Bon, wala siya sang nahibaluan nga kaupod niya nga nagabaton ukon nagapangilkil sang kwarta. Ensakto man ang ila sweldo kag indi naman kinahanglan sang mga ‘raket’ sa dalanon.
Nagahimo lang sang istorya suno sa iya ang mga jeepney drivers. (JoMaque)