Anay punong barangay sa Lambunao, nakuhaan sang pusil

Lambunao, Iloilo — Arestado si anay Punong Barangay Joey Lira matapos nakuhaan sang 45 kalibre nga pusil nga may 13 ka bala kag duha ka magazine. Suno kay PCINSP Jogen Suegay, hepe sang Lambunao Police Station, gin-harass sang anay kapitan ang mga barangay tanod sang Barangay Jayubo kabangdanan nagpangayo sang bulig sa mga pulis. Ginpahayag ni Suegay nga nag-upod sa pagpangampanya si Lira sa iya hinablos nga si Milky Lira sa Barangay Jayubo nga nagapadalagan nga punong barangay. (JoMaque)