Binotohay para sa Barangay kag SKelections sa probinsya, matawhay suno sa IPPO

IPPO Headquarters, Sta. Barbara, Iloilo–Matawhay ang Barangay kag Sangguniang Kabataan elections sa probinsya lakip sa 28 ka mga barangay nga gindeklarar nga election hotspots.

Suno kay Iloilo Police Provincial Office PSSUPT Director Marlon Tayaba, wala sang violent election-related incidents nga narecord kadungan sang eleksyon kahapon.

Wala man suno sa iya naggamo ang mga rebelde sa mga election hotspots.

May ginreport nga alleged vote buying incidents kag presensya sang armado nga grupo sa pila ka lugar sa probinsya suno kay Tayaba apang negative sang ginvalidate sang mga pulis.

Sa report sang Police Regional Office 6, Philippine Army kag Commission on Elections 6, pito ang ginpablotter nga vote buying incidents sa Western Visayas. Apat ang nagpablotter sa Iloilo, duha sa Aklan kag isa sa Negros Occidental. (AGB)