Impormasyon nga may mga kandidato sa barangay elections nga nagamit sang drug money, gina-validate sang PRO 6

Iloilo City — Ginavalidate sang Police Regional Office 6 ang impormasyon nga may mga kandidato sa Barangay elections nga nagamit sang drug money.

Suno kay Supt. Joem Malong, spokesperson sang PRO 6, wala sila sang nabaton nga impormasyon tuhoy sa isyu pero wala nila ginadula ang posibilidad nga may nagamit gid man sang drug money sa pagpangampanya.

Una na ginbuyagyag ni PDEA 6 Director Wardley Getalla nga may duha ka barangay kapitan kag isa ka barangay kagawad sa Iloilo nga nagamit sang kuwarta halin sa illegal drugs agud i-finance ang kandidatura sa bag-o lang natapos nga piniliay. (JoMaque)