Depasahero nga jeep, nakabunggo sa center island sa Guimbal

Guimbal, Iloilo — Nawasak gid ang center island kag natumba ang streetlight sa Gerona Street, Guimbal matapos nabungguan sang depasahero nga jeep.

Suno kay SPO4 Roberto Ellorques, deputy chief of police sa Guimbal Police Station, napiyungan ang driver sang jeep nga si Sammy Damires, 42-anyos sang Sinogbuhan, San Joaquin rason nakabunggo sa center island kag streetlight.

Wala sang napilasan kasunod sang insidente apang nagreklamo ang pasahero nga si Jeffry Copina, 40-anyos sang Aganan, Pavia sang pagpalanakit sang iya lawas.

Halin sa syudad kag pakadto sa San Joaquin ang jeep sang nadisgrasya. (JoMaque)