Ortiz Wharf, Iloilo City— Mas matawhay ang Ortiz Wharf subong nga weekday kon ikumparar sang weekend nga tuman ka damo sang nagdugok pakadto sa Guimaras bangud sa Manggahan Festival.

Una na nga nagreklamo ang mga pasahero sa daw wala sang sistema nga pagsakay sa mga pumpboats ilabe na sang Sabado kag Domingo. Na-sorry naman si Guimaras Vice Governor John Edward Gando sa natabu kag nagpasalig nga magadihon sang sistema ang Jordan Motor Banca Cooperative agud ma-akomodar ang mga bisita kag turista nga nagatabok sa isla.

Base sa record sang provincial tourism office, masobra 11,000 ang nagdugok sa Guimaras sang Domingo suno kay Gando.

Suno naman kay Ortiz Punong Barangay Evangeline Granada, nagabulig sila sa peace and order. Sa obserbasyon ni Granada, ginkulang ang pumpboats sang weekend gani wala gilayon naakomodar ang mga bisita. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply