Negros Occidental — Apat ang patay kag lima ang pilason matapos naigo sang kilat sa Hacienda Carmenchica, Barangay DSB sa Pontevedra.

Ginkilala ang mga napatay kanday Rubelyn Muedan, 50-anyos; Marites Garzon, 36-anyos; Renilda Villanueva, 43-anyos kag Glen Gutual, 37-anyos.

Samtang pilason naman sanday Jenelyn Subong, 35 anyos; Roberta Tiayon, 45 anyos; Marites Cabalida, 62 anyos kag Lito Cabalida, 49 anyos nga padayon nga ginabulong sa Valladolid District Hospital.   Nagapanghilamon sa kampo ang mga biktima apang sang nagdamol ang ulan kag nagapangalit, nagpasilong ang mga ini sa kamalig sa diin natabo ang insidente.  Suno sa report, una nga gin-igo sang kilat ang ginadala nga handheld transistor radio ni Gutual. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply