Iloilo City — Nagpa-andam si Senator Grace Poe nga posible indi marenew ang franchise sang Panay Electric Company sa masunod nga tuig kon wala sang pagbag-o sa ila serbisyo.

Pahayag ini ni Poe pagkatapos sang public hearing sang iya ginapamunuan ng Senate Committee on Public Utilities sa Session Hall sang Sangguniang Panlalawigan kahapon. Gin-athag ni Poe nga wala niya ginapersonal ang PECO kundi nagapamati lang sa mga reklamo batuk sa kompaniya. Una na gin-ako sang senador nga madamo siya sang reklamo nga nabaton gani gindala ang isyu sa public hearing paagi sa pagpamati kay Councilor Joshua Alim, isa sa mga nagtinguha agud mabuligan ang mga complainants.

Nakahanda naman ang PECO nga magsabat kon talakayon na sa Senado ang ila franchise renewal application suno kay Mr. Mikel Afzelius, corporate communications officer sang kompaniya. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply