3 Ka College Students Gin-Hold Up Sa City Proper, Krimen Napunggan Matapos Nagresponde Ang Taxi Driver

Iloilo City — Ginhold up ang tatlo ka college students sa corner Mabini-Delgado, City Proper sang domingo sang kaagahon apang napaslawan.

Ginkunfirma ni Roel Datu-on, taxi driver, nagpangayo sang bulig sa iya ang estudyante gikan sa University of the Philippines Visayas bangud ginpahayag ginapilit kuha sang wala makilala nga lalaki ang mga cellphones sang duha niya ka mga upod.

Gilayon nga ginkadtuan nanday Datu-on ang lugar kag nakita ang ginreklamo nga may uyat nga kutsilyo. Gilayon naman nga nagpalagyo ang ginreklamo nga ginabanta 5’4 ang kataason, may maniwang nga panglawason kag ginabanta 20-anyos kag pasaka ang edad sakay sa motorsiklo.

Ginpabutyag sang estudyante suno kay Datu-on nga nagpangayo siya sang bulig sa security guard sang Madison Hotel sa diin sila una nga nagtenir apang wala sila ginrespondehan.

Ginakuhaan pa sang Aksyon Radyo Iloilo sang pahayag ang tagdumalahan sang natungdan nga hotel.

Wala sang may napilasan kasunod sang insidente.

(att)