Hamtic, Antique — Halos nawasak ang ulo sang 21-anyos nga babaye matapos ginhatok-hatok labu sang iya magulang samtang pilason ang ila iloy.

Suno kay PO2 Mar Joepet Jallorina sang Hamtic Municipal Police Station, ginkilala ang napatay kay Quennie.

Napilasan naman sa magtimbang nga siko si Inocencia, 52-anyos kag pumuluyo sang amo man nga lugar.

Base sa imbestigasyon sang pulis, una nga ginlabu sang suspect nga si Paul , 24-anyos ang iloy gamit ang binangon matapos gin-atake sang nervous break down.

Sunod nga ginlabu sang suspek ang iya manghod apang nakapanagang kag nakapalagyo.

Ginlagas sang suspek ang iya manghod tubtob nadakpan kag ginhatok-hatok sang labu ilabi na sa ulo.

Preso ang suspek kag natalana pasakaan sang frustrated parricide kag murder. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply